Vuosttaš geardde intervjuemin

Govas oainnat Linn Margrete gažademin ja mun gis báddemin

Vuossárgga iđida oaččuimet mii praktikántat Birehis dieđu ahte galggaimet vuolgit válgavissui jearahit olbmuid, ja áinnas gávdnat nuoraid geaid jearahat. De mii gal buohkat veahá suorganeimmet, eat lean vuordán ahte ná árrat galggaimet vuolgit márkanii gažadit olbmuid. 
Galggaimet gullat mo olbmuid mielas politihkka lea ja ieš guđetge oaiviliid. 
.
Maŋŋá go leimmet muhtin gažaldagaid čállán, de mii vulggiimet válgaviesu lusa. Mii guhká digaštalaimet gaskaneamet, sihkkarit kvártta, ovdalgo duosttaimet álgit gažadit olbmuid. Barggaimet guovttes ja guovttes, mun ja Erica, Linn Margrete ja Marja. Lei hui buorre nu dahkat, go de beasaimet juohkehaš geahččalit leat sihke govvideaddjin ja journalistan.

Go mun ledjen vuosttaš olbmo gažadan, de šattai visot olu geahppasat, dusten eanet ja ii lean šat mihkke nu issoras go álggos. Lei viehka somá jearahit olbmuid vaikke mus ii leat mihkke beroštumidi politihkkii. Lei miellagiddevaš gullat olbmuid oaiviliid jna, ii politihkka geažil, muhto dat ahte mo lea leat journalista. Dá lei juoga maid mun duođai liikojin. Hm.. Soaitá ahte journalista-oahppu lea mainna mun joatkkán maŋŋá praktikántaáiggi.

Midjiide lea hui dehálaš alo lunsja borrat 12 aigge, mudui eat veaje joatkit.. ;)

Mii han leimmet ožžon dieđu ahte galgat gažadit nuoraid, ii dušše rávisolbmuid. Válgaviesus eai dihtton nuorat dan beannot tiimmas go leimmet doppe. De mii mearrideimmet ahte vuolgit ohcat daid nuoraid, go livččii hui gelddolaš gullat sin oaiviliid politihka birra. 

Joatkkaskuvllas gávnnaimet moadde nuora gean gažadeimmet. Sii meinnejedje ahte dálá nuorain ii lean nu beroštupmi politihkkii, ja sivva lei go nuorat eai dieđe olus politihka birra. Muhto dat mii orru čielggas lea ahte váhnemat eai ge earát nagat báidnit nuoaid. Sii jienastit dan mii sin mielas orru buoremus ja dehálaš boahtteáiggis.

Dál go lean čohkkán dás moadde tiimma, guldalan daid báddemiid maid mii leat bádden ja čállán visot dihtorii, de doivon ahte galggaimet reportáša čállit, hui fágalaččat ja nie, muhto de muitala Biret midjiide ahte eat han mii galgga nu duođalaččat čállit. Baicce muitalit bloggas makkár dovddut mis ledje go gažadeimmet ja mo dat lei.

- Linn Kristin -