VÁLGGAT! Mat bat dat leat?

Persovnnalaččat mun gal in beroš válggain oppanassiige, in ge dieđe nu olu dan birra muitalit. Dieđán ahte gávdnojit bellodagat maid galgá jienastit, gávdno jienastanbeaivi ja presideanta. In leat goassege jienastan stuorradikkeválggaide vaikko lean ge jo 23 jagi boaris, dannego in leat norggavuloš muhto ruoŧa. Danne varra ii leat ge leamaš eanet beroštupmi go lea.

Sámedikkeválggaide gal lean jienastan buot jagiid go lean sáhttán, beroškeahttá  gii vuoitá. Jienastin dušše dan dihte go lea vejolaš. Ja de lea buot álkimus jienastit dan maid eadnán ja áhččán láveba jienastit.

Muhto dán jagi gal dovden ahte ferten veahá eanet diehtit politihka birra ovdal go nrk:i álgen bargat. Ii orron gal heivemin ahte in dieđe maidige politihka birra go medias galggan bargat gasku válgaáiggi.

Beaivvi ovdal vuosttaš bargobeaivvi čohkkájin ja dedden dan dihtora ja lohken sániid mat eai darvánan oaivái eai mo ge láhkai. Loahpas vuollánin ja fertejin dušše dohkkehit ahte in beroš, ja dasa ii ábut maidige.

-Linn Margrete-