15.11.2013

Lean ráhkadan ášši lásebossu birra

Dán vahku mon lean barggan áššiin muhtin lásebossu birra. Mon fitnen su luhtte gos mon filbmejin ja mus leai moadde jearaldaga sutnje. Leai veaha váttis doppe filbmet danne go dat barga nu jođanit. Mon in ožžon mielde visot vinkeliid maid mon galgen. Buvddas leai hui báhkka go uvnnas leai sulii 1400 grada.

Go mon báddejin kommentara dasa,  de mon fuomášin ahte mon nu liikon bargat jienaiguin. In nu liiko govvedit ja filbmet, muhto jietna lea hui somá :) 




Erica

08.11.2013

Promo reklame

Mii leat ožžon bargun ráhkadit promo reklame Kent Valioi.

Dá leat dat maid mii leat ráhkadan:



04.11.2013

VJ kursa Gunnar Grønlundan

Ovddit vahkos lea mis leamaš videojournalista kursa Gunnar Grønlundan. Son lea oahpahan min sihke filbmet ja čuohppat filmmaid.

Mu mielas lei nu miellagiddevaš oahpat dárkileappot hukset videoáššiid ja analyseret daid. Muhto buot somámus lei ieš dat čuohppan, heivehit govaid ja jienaid oktii.



Vuosttaš kursabeaivve oaččui juohkehaš iežas proffa videokámera maid mii galggaimet geavahit kurssas. Lei hui somá viehkat NRK visttis dainna kámeran ja filbmet buot ja buohkaid! Mii oahpaimet makkár sekveansat (govat) leat dehálačča oažžut mielde vai sáhttá ášši das ráhkadit.

Nuppi beaivve álggii juohkehaš bargat iežas áššin, mii galggaimet juohkehaš gávnnahit ovtta ášši maid galggaimet ráhkadit. Maŋŋá go ledjen mearridan mii fokus galggai leat mu áššis de vulgen márkanii filbmet.  Lei somá vuolgit okto bargat, muhto dat mii lei hástalus lei jearahit seammás go filbmejin. Mun gal gávnnahin olggos ahte livččii buot buoremus álggos máhttit filbmet ovdalgo álggán journalistan seammás go filbmen.

Goalmmát ja njealját beaivi manai redigeremii. Mii oahpaimet redigeret Final Cut Pro’an. Hui buorre prográmma mainna lei somá bargat. Dainna prográmman mun gárvvistin mu videoášši.


Lei duođaid somá go Gunnar Grønlund bođii min oahpahit filbmet ja redigeret! Son gal lea hui čeahpes oahpaheaddji ja mun gal ohppen olu go son lei dáppe logaldallamin.

Dán video lean mun čuohppan ovddit vahkos:






- Linn Kristin -