Praktikánta Linn Margrete

Hei bloggalohkkit! Mun lean Linn Margrete Påve, 23 jagi boaris. Lean eret Ráigeádjagis, 20 km Leavnjas davásguvlui. In leat goassege čállán blogga ja in ge leat beroštan lohkat eará olbmui bloggaid. Nu ahte dát šaddá munnje oalle hástalus dál álggos čállit, dannego in dieđe riekta mo galgá  čállit vai galgá šaddat lohkkiide somá lohkat. Na mun angge geahččalan álgit ná.

 

Govven: Biret Nystad

Dál leat measta 3 beaivve vássán dan rájes go álgen bargui deike NRK sápmái. Oaivi lea dál jo losson daid olu dieđuiguin ja njuolggádusaidguin mat  galget muitui čallojuvvot. Lihkkus oaččuimet čállingirjji masa sáhttá čálistit vai oaivi ii mentosakka dieva.  Lean veahá oahpastuvvagoahtán dain golmma eará praktikántain Ericain, Linniin ja Márjjáin. Orro leat hui hearvás ja somás joavku. Min oahpaheaddji/šeaffa Biret lea guoibmás ja liekkus nisu mii mu diđuid mielde lea dat gullon veterana dáppe NRKas.  Eará bargit maid válde bures vuostá ja čajehedje beroštumi midjiide.  Jáhkan dát 6 mánu šaddet hui gelddolaččat ja oahpan olu ođđa dinggaid maid mun ovdal in leat in jurddašan ge.

 

Lean fuomášan ahte dáppe boahtit mii čohkkát olu dihtoriid ovttas. Dábálaččat in leat mun nu áŋgiris dihtor olmmuš ja lean bidjan unnán áiggi dasa.Mus leat eará astoáiggedoaibmagat masa bijan eanet áiggi. Dat gal árvideamis boahta dál gal rievdat. Sáhttá oalle lossat šaddat muhto gal dasa maid varra hárjána nu mo buot eará diŋggaidde. Ja go oahppá eanet de sáhttá šaddat oalle miellagiddevaš bargu.

 

muhto veahá gal čoavjji bonjađa smiehttat dalle go galgat kamera ovddabealde čuožžut ja radius gullot. Muhto jeđđen iežana dainna ahte mun in leat varra okto  gii dáinna buozan. Muhto sávan ahte dat manná bures ja illođan joatkit dáppe.

 

-LássePieraSiivarHartvigaLinne/Linn Margrete Påve