Dæjsta, skiereden 16n.b 2014

Golme våhkoeh joe vaaseme, jih daelie manne daesnie, akte stovlesne, NRK Saepmesne tjahkesjeminie. Manne leam akte dejstie praktikantide daan jaepien, jih mov laavenjasse daelie lea: Tjaelieh ånnetji dov jijtje bijre! Manne leam Felicia Löfgren, åarjelsaemien nïejte, göökteluhkiegöökte (22) jaepien båeries, Mörsilste. Akte onne voene Jïemtesne, Luvlieluspen (Staare) lihke. Mov eejehtimmesne manne lyjhkem bijre jaarkan fealadidh, almetjh råakedh, gåarodh, svaarkelidh jih ålkone årrodh. Bijjene vaeresne jih skåajjesne. Tjaktjegen lyjhkem möörjedh!
Im manne tuhtjh dan aelhkie mov jijtje bijre tjaeledh...
Maam almetjh sijhtieh daejredh? Daelie manne soptsteme gie manne leam, man båeries jih gubpede båatam, bene man åvteste manne 120 mijlh juhteme, diekie Karasjohkese?
Jo, dam edtjem soptsestidh. Manne iktesth iedtjem mediase utneme. Lyjhkem almetjh råakedh, lyjhkem tjaeledh, jih jis datne mov voelpide gihtjh, dle dah jiehtieh ahte manne daan væjkele soptsestidh... Kaanne fer jijnjh, haha! Manne funterdamme jis daate barkoe lea dan luste jih gieltegs goh vienhtem? Jis lea sjieteles barkoe munnjien? Jis edtjem vaestiedassh åadtjodh, dle tjoerem gujhth pryøvedh! Jih daate lea öövre buerie nuepie! Juste dan åvteste manne leam daesnie, akte stovlesne , NRK Saepmesne tjahkesjeminie.

Tre veckor har redan gått, och nu sitter jag här, på en stol på NRK Sápmi.
Jag är en av årets praktikanter, och min uppgift nu är: Skriv lite om dig själv!
Mitt namn är Felicia Löfgren, sydistjej, 22år från Mörsil. En liten by i Jämtland, nära Östersund.
På min fritid reser jag gärna omkring, gillar att  träffa folk, sy, fika och vara utomhus. Till fjälls och i skogen. Om hösten tycker jag om att plocka bär!
Jag tycker inte att det är så enkelt att skriva om mig själv... Vad vill folk veta?
Nu har jag berättat kort om vem jag är och vart jag kommer ifrån, men varför har jag flyttat 120mil, hit till Karasjok? Jo, det ska jag berätta. Jag har alltid haft ett intresse för media. Jag tycker om att träffa folk och skriva. Och frågar du mina vänner så säger de att jag är duktig på att prata... Kanske lite för mycket ibland, haha! Jag har funderat på om det här yrket är så kul och intressant som jag tror? Är det ett yrke som passar mig? Om jag ska få svar på det, så måste jag prova! Och det här är ett ypperligt tillfälle! Just därför sitter jag här, på en stol, på NRK Sápmi.

På återseende!
Felicia