Oslo mátki

Ovddit vahko leimmet mii Oslos vuossárggas bearjadahkii galledeamen NRK Marienlysta.

Lei lossat vuossárgga árrat iđit lihkkat vai juksen busse mii doalvvui min Levdnjii girdi ovdii. Muhto ii dat dahkan maidige go bessen nohkastit girdis moadde tiimma, láve han hui jođánit mannat girdit mátkkoštit go oađđá eanaš áigge, nu ange lea mu meinnet. ;)

Mis lei friija vuossárgga, nu ahte go olliimet Oslo gávpogii de vulggiimet shoppet, olles beaivi manai shoppemii. De gal lei hui buorre eahkes fas ollet hotellii gárvves láhččojuvvon seŋgii ja nohkkat.

Baggu fitnat šloahta olggobealde go vuos lea Oslos

Mii galledeimmet NRK Marienlysta maŋŋebárgga, gaskavahko ja duorastaga.

Mun suorganin go oidnen man stuoris olles Marienlysta lea ja dat mii lei miellagiddevaš gullat lei ahte doppe barget badjel 2000 olbmo, sullii seamma olu obmot go Kárášjogas ásset, dat lea viehka olu! Mii beasaimet oaidnit go ráhkadedje mánáid-TV, njuolggasáddagiid  Dagsrevyen ja P3 ja iešguđetge eará prošeavttaid.

Geahččamin Dagsrevyen njuolggosáddaga

Dat kostymelatnja lei máilmme stuoris, kánske livčče doarvái biktasat garvvohit olles Kárášjoga :P

Oidnen maŋga kostymaid maid unnin lean mánáid-TVs oaidnán, erenomáš vásáhus..

P3 njuolggosátta

Bessen maiddái geahččalit kamera ovddabealde čuožžut, lei amas muhto somás vásáhus.

Finaimet maiddái stuorradikkis geahččamin mo NRK journalistat barget doppe. Lei erenomáš boahtit dohko, ledje vávttat juohke sajis gosa geahčastin. Ja ovdal go beasaimet mannat ieš Stuorradikki sisa de fertiimet kontrolla čađa vázzit, justa seamma láhkai go girdišiljus.

Lei veahka fiinnis stuorradikkis, ja somá oaidnit mo olggosoidnui siskkabealde, dieđusge lean oaidnán daid diggelanjaid TVs, muhto stuorradikkis han eai leat dusse diggelanjat, lea hui olu eará maid mii ii oidno TVs.

Iežan mielas orrojin hui dehálaš go ožžon nammalihttu Stuorradikkis mas čuoččui mun namma jna :D

Duorastat eahkes beasaimet mii vuolgit geahččat go ráhkadedje Nytt På Nytt. Váivván lei somá doppe, rešken nu olu ahte čoavji vel loahpas álggii bávččadit. Maŋŋá dán vásáhusa de easka ádden mo dat dovddus ‘Talk-show’at ráhkaduvvojit. Lea aibbas eará leat doppe geahččin go mat oaidnit TVs dan prográmma. Lei nu somá dán vásihit, ja mun gal áinnas fas vuolggán geahččin deike go de fas finan Oslos!

Dál ii váillo go cealkit buori juovllaid ja buorre ođđajagi!

- Linn Kristin -