Mov voestes TV-aamhtse.

Manne dan madtjeles jih feejene! Juste goh maana mij ieskien liereme sygkeldidh...
Jååktan mov voestes TV-aamhtsem saadtesovveme sjidti, öövre luste!
Goh manne aerebi tjaaleme, manne tuhtjem dan luste vuejnedh gosse riejries aamhtsem sjædta, gaajhkh mestie bietskeme jih jeatjahdehteme, dihte lea, maam manne sijhtem dom gohtjesovvedh: Egoboost2000 :) Muvhtene cm guhkebe sjædta!
Daan aereden aktem mailem aaj åadtjoejim, dom mailem mov vaajmoem baahkedi! <3

"Felicia, Felicia...Manne dan madtjelovvem gosse dov gïelem govlem.

Mov öövre goh giknjelassh båetieh jih ussjedem ahte båetije biejjide saemien gïele edtja jieledh gosse almetjh goh datne gååvnese. Datne dan tjielkeslaakan saemesth!

 Håhkesjem datne sïjhth jåerhkedh dejnie dov journaliste barkojne.

datne daerpies!"

Dihte dan luste journalistikine barkedh jih gielem nuhtjedh gosse dagkeres tjaebpies baakoeh åadtjoe!

Dle manne berre sijhtem jåerhkedh.

Daenbien bearjadahke, jih maahta berre buerebe sjidtedh!
Buerie hïelje!

Jag är så stolt och glad! Precis som ett barn som nyss lärt sig cykla...

Igår blev min första TV-sak sänd, verkligen roligt!

Som jag tidigare skrivit, tycker jag att det är så kul att se när det blir en färdig sak av allt som man klippt och redigerat. Det är, vad jag vill kalla det: egoboost2000 :) Man blir någon centimeter längre!
Imorse fick jag även ett mail, det mailet värmde mitt hjärta! <3

"Felicia, Felicia... Jag blir så glad när jag hör ditt språk.
Det är nästan så tårarna kommer och jag tänker att sydsamiskan kommer leva även i framtiden när det finns personer som dig. Du pratar så klart!

Hopps du vill fortsätta med ditt journalistiska arbete.
Du behövs!"

Det är så roligt att arbeta med journalistik och använda språket när man får sånna här fina ord!
Då vill jag bara fortsätta.

Idag är det fredag, och det kan bara bli bättre!
Trevlig helg!

Felicia